::::: اِلفاظ معانی و مفاہیم کے سانچے ہوتے ہیں :::::

::::: اِلفاظ معانی و مفاہیم کے سانچے ہوتے ہیں :::::

بِسمِ اللَّہِ و الحَمدُ لله والصَّلاةُ والسِّلامُ علَى أشرفِ الأنبياءِ والمُرسلِين نَبِيّنا مُحمدٍ

السلام علیکم ورحمۃ اللہ و برکاتہ

ہمیں اپنی زندگیوں کے مختلف مقامات پر ، اور مختلف مسائل میں ، اِس معاملے کا سامنا کرنا پڑتا ہے کہ لوگ ہماری  کہی  (یا لکھی) ہوئی بات  (منطوق )کو اپنی مرضی کے مفاہیم دے کر کچھ کا کچھ بنا ، یا ، سمجھا کر معاملات کو کہیں سے کہیں پہنچا دیتے ہیں ،  یا پہنچانے کی کوشش کرتے ہیں، جس کے عمومی اور اکثر نتیجے کے طور پر ، غلط فہمیاں پیدا ہوتی ہیں ، یا پیدا کر دی جاتی ہیں ،

رشتوں، تعلقات اور دوستیوں کے مزاج بدل جاتے ہیں ، کبھی کہیں کسی کم عقل کی کم فہمی کی وجہ سے ، اور کبھی کہیں کسی عیار کی مکاری کی وجہ سے منطوق  الفاظ کو وہ مفاہیم دے دیے جاتے ہیں  جو دراصل ناطق کا مقصود نہیں ہوتے اور نہ ہی ناطق کے دِل و دِماغ میں وہ مفاہیم موجود ہوتے ہیں ،،،،یہ حرکت صِرف دینی مسائل  کے بارے میں گفت و شنید ، یا بحث مباحثوں تک محدود نہیں ،  بلکہ تقریباً زندگی کے سارے ہی شعبوں میں ملتی ہے ،

کسی بات میں استعمال کیے گئے اِلفاظ کے معانی اور مفاہیم کو دُرُست طور پر جاننا اورانہیں دُرُست مُثبت استدلال کے لیے  اِستعمال کرنا نہ صِرف اِلفاظ کی حقیقت اور ان کے معانی و مفاہیم کے عِلم کا حاجت مند ہوتا ہے بلکہ دِل و دِماغ کی صفائی بھی درکار ہوتی ہے ،

آیے فقہ ،  کلام اور منطق   کے قواعد کے مطابق یہ سمجھتے ہیں کہ الفاظ (منطوق)کے معانی (مفاہیم) کو کس طرح جانچا جانا چاہیے اور کسی طرح کسی لفظ کو  دُرُست مفہوم کے لیے استعمال کیا جانا چاہیے ،

اللہ تعالیٰ ہم سب کے دِل و دِماغ کو حق جاننے ، ماننے اور اپنانے کی ہمت عطاء فرمائے ،

ذیل میں ، میں اپنی ایک زیر تیاری کتاب """ ہفتے کے دِن نفلی روزہ رکھنے کا شرعی حکم """ میں سے ایک اقتباس پیش کر رہا ہوں جس میں مذکورہ بالا موضوع بیان کیا گیا ہے ،         

،،،،،،،،،،،  ممکن  ہے  منطوق  و  مفہوم  کی  بحث  میں  داخل  ہو  کر  کِسی  حد تک  یہ  کوشش  کی  جائے  کہ  ہفتے  کو  نفلی  روزہ  رکھنا  ممنوع  نہیں  تو  اِس  کے  جواب  میں  کچھ  کہنے  سے  پہلے  میں  آپ  کے  سامنے  منطوق  و  مفہوم  کی  تعریف  نقل کرتا  ہوں  ،  إمام  محمد  بن  علی  بن محمد  الشوکانی  رحمہ ُ  اللہ  """اِرشاد  الفحول  """میں لکھتے  ہیں""""" فالمنطوق ُ،ما دلّ علیہ اللفظُ  فی محل النُّطق  ، أي :  یکونُ حُکماً  للمذکورِ  و حالاً  مِن  أحوالِہِ  ،،،،،،، والمفھُوم  ،  ما دلَّ علیہِ  اللفظُ لا فی محل النُّطق ،أي : یکونُ حُکماً لغیر المذکورِ و حالاًً مِن  أحوالِہ ِ والحاصلُ أن  الألفاظُ  قوالبُ للمعانی المستفادۃ منھا  ، فتارۃً تُستفادُ مِنھا مِن جھۃ النُّطق تصریحاً و تارۃً مِن جھتہِ تلویحاً  ،فالأولُ ،المنطوق ُ  ،  و الثاني ، المفھوم  :::  منطوق  وہ  ہے  ، جِس  پر کوئی  لفظ  اپنے  بولے  جانے  کی  بنا  پر  ظاہر  اور  صریح  دلالت  کرتا  ہو  ،،  یعنی  ،،  منطوق  میں  جِس  کا  ذِکر  ہوتا  ہے  وہ  اُس  مذکور  (ذِکر  شدہ  چیز )کے  لیے  کوئی    حُکم  رکھتا  ہے  ،،  یا  ،،  اُس  مذکور  کے  أحوال  میں  سے  کِسی  حال  کو  ظاہر کرتا  ہے  ،

  اور  مفہوم  ،وہ  ہے  ،جِس  پر  کوئی  لفظ  اپنے  بولے  جانے کی  بنا  پر  کوئی  ظاہر  اور صریح  دلالت  نہ  کرتا  ہو  ،،  یعنی  ،،  مفہوم  بولے جانے  والے  لفظ میں  مذکور (ذِکر  شدہ  چیز  )کے  عِلاوہ  کِسی  اور  کے لیے   حُکم  رکھتا  ہے  ،،  یا  ،،  اُس  مذکور  کے  عِلاوہ  کِسی  اور  کے  أحوال  میں  سے  کِسی  حال  کو  ظاہر کرتا  ہے  ،

  حاصلِ  کلام  :::  الفاظ  اپنے  اندر  پائے  جانے والے  معانی(معنی  کی  جمع  )کے  لیے سانچے  کی  حیثیت  رکھتے  ہیں  لہذا  الفاظ  میں سے  جو معانی  حاصل  کیے  جا تے ہیں  ،  کبھی  تو  وہ  معانی  صریح  نطق  (بات  ،  لفظ  کی  آواز  ،  کِسی  لفظ  کو  سن  کر  جو  معنی  ذہن  میں  آئے )سے  حاصل  کیا  جاتا  ہے   ،  اور کبھی   دوسرے  طور  ،، یعنی  ،،  اِشارۃ  ً  ،   تو  پہلی  قِسم ہے  منطُوق  ،،،  اور  دوسری  قِسم ہے  مفہوم  ،،،  """""،

کچھ لوگ ایک سے زائد معنی یا مفہوم والے  اِلفاظ کے سانچوں میں سے اپنے  کسی مقصد  یا کسی  خواہش ، کے مطابق  معنی اور مفہوم  نکالنے کی کوشش کرتے ہیں ، اور اُس پر مُصر رہتے ہیں ، اور کبھی اِلفاظ کے سانچوں میں اپنی عقل میں آئے ہوئے معانی یا مفاہیم کو ٹھونسنے کی کوشش کرتے ہیں اور اُسی کے دُرُست ہونے پر مُصر رہتے ہیں ، ایسی کاروائیاں اکثر اچھے نتائج کا سبب نہیں ہو پاتیں ،

اِن میں  جو لوگ تو معاملات کو سدھارنے ، اور مسائل کو سُلجھانے والے ہوتے ہیں وہ مُثبت  اور خیر میں مدد والے معانی اور مفاہیم اپناتے ہیں اور دوسروں کو بھی اس کی طرف مائل کرتے ہیں ، اور جو لوگ معاملات اور مسائل کو بگاڑنے اور اُلجھانے والے ہوتے ہیں وہ اِلفاظ کو منفی معانی اور مفاہیم کے قالب میں ہی ڈھالنے پر مُصر رہتے ہیں ،      

ہمارے زیر مطالعہ مسئلے ، بلکہ کئی متنازع مسائل میں ایسے ہی لوگوں کی ضِد کی وجہ سے أفہام و تفہیم کی کوئی مثبت راہ نہیں نکل پاتی ، پس  نہ صِرف  یہ کہ پہلے سے موجود مسائل مزید الجھ جاتے ہیں بلکہ نئے مسائل بھی وجود پا جاتے ہیں ،

مفہوم اور منطوق کی مندرجہ  بالا  تعریف  کی  روشنی میں یہ  جاننا  قطعاً  مشکل  نہیں  کہ  ہفتے کے  دِن  کا  نفلی  روزہ  رکھنے  کی  ممانعت  والی  حدیث  میں  ممانعت  صراحت  کے  ساتھ  منطُوق  ہے  اور  حدیث  اُم  المؤمنین  جویریہ  اور  حدیث  أبو  ہُریرہ  رضی  اللہ  عنھما  میں جو  مشروط  جواز  ہے  وہ  منطُوق  نہیں  بلکہ  مفہوم  سے  مأخوذ  ہے  ،  اور  کِسی  مسئلے  پر  حُکم  منطُوق  کے  مطابق  ہوتا  ہے  ، مفہوم  سے  مأخوذ  نہیں  ، جیسا کہ إمام شمس الدین الذہبی  رحمہُ اللہ """مختصر سنن البیہقی  """میں کہتے ہیں :::

""""" والإستدلال ُ  بالمفھومِ  لا  یَکُون ُ حُجّۃً  إِلَّا  إِذا سَلِمَ  مِن  المعارض:::مفہوم  کو  اُسی  صورت  میں  دلیل  بنایا  جا  سکتا  ہے  جب کہ  اُس  کی  مخالفت  نہ  ہو  """""، 

  اب آپ خود  ہی  بتائیے محترم قارئین   کہ  آپ  قواعد  و  أصول  کی  روشنی  میں  صریح  منطُوق  کے  مطابق  معاملے  کو  سمجھیں  گے  یا  مخالف  مفہوم  کے  مطابق  ، ،،،،،،،،

( میری کتاب """ ہفتے کے دِن نفلی روزہ رکھنے کا شرعی حکم """ سے منقول )۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس مضمون کے ساتھ ز ُبان کے اِستعمال اور بات چیت کے نتائج کے بارے میں دیگر ، درج ذیل مضامین کا مطالعہ بھی اِن شاء اللہ مفید ہو گا ،

(1) بات ہی تو ہے ،،،

(2)  ھنڈیا اور چمچ ،،،

(3)  اِلفاظ معانی اور مفاہیم کے سانچے ہوتے ہیں ،،،

(4) دوسروں کی کمزوریاں ،اوراپنی خوبیاں  بیان کرنے سے پہلے سوچیے ،،،

(5) کسی کی تعریف کرنے کا شرعی حکم (6) صِدق ، سچائی ،

الحمد للہ یہ مضامین میرے بلاگ پر بھی موجود ہیں اور مختلف فورمز پر بھی ، والسلام علیکم و رحمۃ اللہ و برکاتہ۔

طلبگارء دُعاء ، عادِل سُہیل ظفر ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اِس مضمون کا برقی نسخہ درج ذیل ربط سے نازل کیا جا سکتا ہے :

http://bit.ly/LRbtyU

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔