::: جہنم کا پہلا ایندھن :::

::: جہنم کا پہلا ایندھن :::

بِسمِ اللَّہِ الرِّحمٰنِ الرِّحیم

الحَمدُ لِلّہِ وَحدہُ الذی لا اِلہَ اِلاَّ ھُو ،  و لا أصدق مِنہ ُ قِیلا ،  و الَّذی أَرسلَ رَسولہُ بالھُدیٰ و تبیّن مَا ارادَ ، و الصَّلاۃُ و السَّلام عَلیَ مُحمدٍ عبد اللَّہ و رسولِ اللَّہ ، الَّذی لَم یَنطِق عَن الھَویٰ و الَّذی أمانۃ ربہِ قد اَدیٰ ،

شروع اللہ کے نام سے جو بہت ہی مہربان اور بہت رحم کرنے والا ہے ،

سچی اور خالص تعریف کا حق دار اللہ ہی ہے ، جس کے عِلاوہ کوئی بھی اور سچا اور حقیقی معبود نہیں ، اور جس سے بڑھ کر سچ کہنے والا کوئی نہیں ، اور جس نے اپنے رسول کو ہدایت کے ساتھ بھیجا اور وہ سب کچھ واضح فرما دیا جسے واضح کرنے کا اللہ نے ارداہ کیا ، اور سلامتی ہو اللہ کے بندے اور اللہ کے رسول محمد(صلی اللہ علیہ وعلی آلہ وسلم ) پر ، جو کہ اپنی خواہش کے مُطابق نہیں بات نہیں فرماتے تھے  ، اور جنہوں نے اپنے رب کی امانت مکمل طو رپر  دی،

السلامُ علیکُم و رحمۃُ اللہ و برکاتہُ ،

آیے رسول اللہ صلی اللہ علیہ وعلی آلہ وسلم کی ایک ایسی حدیث شریف کا مطالعہ کرتے ہیں ، جِسے سناتے ہوئے  ابو ہریرہ رضی اللہ عنہ ُ چار دفعہ بے ہوش ہوئے، اور  جِسے سُن کر امیر المؤمنین معاویہ رضی اللہ عنہ ُ اس قدر روئے  کہ حاضرین کو اُن کی جان کا خطرہ ہونے لگا،

یہ حدیث شریف ریا کاروں ، یعنی ، دِکھاوے کے لیے نیکیاں کرنے والوں کے لیے، دُنیا کے فائدے حاصل کرنے کے لیے نیکیاں کرنے والوں ، اور خود کو نیک ، صالح ، متقی ، عالِم ، مجاھد وغیرہ ظاہر کرنے والوں کے لیے بڑی ہی عِبرت والی ہے،

رسول اللہ صلی اللہ علیہ وعلی آلہ وسلم نے  ابو ھریرہ رضی اللہ عنہ ُ سے اِرشاد فرمایا (((أَنَّ اللَّهَ تَبَارَكَ وَتَعَالَى إِذَا كَانَ يَوْمُ الْقِيَامَةِ يَنْزِلُ إِلَى الْعِبَادِ لِيَقْضِىَ بَيْنَهُمْ وَكُلُّ أُمَّةٍ جَاثِيَةٌ فَأَوَّلُ مَنْ يَدْعُو بِهِ رَجُلٌ جَمَعَ الْقُرْآنَ وَرَجُلٌ قُتِلَ فِى سَبِيلِ اللَّهِ وَرَجُلٌ كَثِيرُ الْمَالِ فَيَقُولُ اللَّهُ لِلْقَارِئِ أَلَمْ أُعَلِّمْكَ مَا أَنْزَلْتُ عَلَى رَسُولِى قَالَ بَلَى يَا رَبِّ. قَالَ فَمَاذَا عَمِلْتَ فِيمَا عُلِّمْتَ قَالَ كُنْتُ أَقُومُ بِهِ آنَاءَ اللَّيْلِ وَآنَاءَ النَّهَارِ. فَيَقُولُ اللَّهُ لَهُ كَذَبْتَ وَتَقُولُ لَهُ الْمَلاَئِكَةُ كَذَبْتَ وَيَقُولُ اللَّهُ لَهُ بَلْ أَرَدْتَ أَنْ يُقَالَ إِنَّ فُلاَنًا قَارِئٌ فَقَدْ قِيلَ ذَاكَ.

وَيُؤْتَى بِصَاحِبِ الْمَالِ فَيَقُولُ اللَّهُ لَهُ أَلَمْ أُوَسِّعْ عَلَيْكَ حَتَّى لَمْ أَدَعْكَ تَحْتَاجُ إِلَى أَحَدٍ قَالَ بَلَى يَا رَبِّ. قَالَ فَمَاذَا عَمِلْتَ فِيمَا آتَيْتُكَ قَالَ كُنْتُ أَصِلُ الرَّحِمَ وَأَتَصَدَّقُ.

فَيَقُولُ اللَّهُ لَهُ كَذَبْتَ وَتَقُولُ لَهُ الْمَلاَئِكَةُ كَذَبْتَ وَيَقُولُ اللَّهُ تَعَالَى بَلْ أَرَدْتَ أَنْ يُقَالَ فُلاَنٌ جَوَادٌ فَقَدْ قِيلَ ذَاكَ.

وَيُؤْتَى بِالَّذِى قُتِلَ فِى سَبِيلِ اللَّهِ فَيَقُولُ اللَّهُ لَهُ فِى مَاذَا قُتِلْتَ فَيَقُولُ أُمِرْتُ بِالْجِهَادِ فِى سَبِيلِكَ فَقَاتَلْتُ حَتَّى قُتِلْتُ. فَيَقُولُ اللَّهُ تَعَالَى لَهُ كَذَبْتَ وَتَقُولُ لَهُ الْمَلاَئِكَةُ كَذَبْتَ وَيَقُولُ اللَّهُ بَلْ أَرَدْتَ أَنْ يُقَالَ فُلاَنٌ جَرِىءٌ فَقَدْ قِيلَ ذَاكَ ». ثُمَّ ضَرَبَ رَسُولُ اللَّهِ -صلى الله عليه وسلم- عَلَى رُكْبَتِى فَقَالَ « يَا أَبَا هُرَيْرَةَ أُولَئِكَ الثَّلاَثَةُ أَوَّلُ خَلْقِ اللَّهِ تُسَعَّرُ بِهِمُ النَّارُ يَوْمَ الْقِيَامَةِ »:::  قیامت والے دِن اللہ تبارک و تعالیٰ بندوں کےت فیصلے فرمانے کے لیے اُن  کی طرف نزول  فرمائے گا ، اور اُس دِن ہر قوم (گروہ،جماعت ،فرقہ) گھٹنے ٹیکے ہوں گے ،

تو سب سے پہلے اُس آدمی کو بلایا جائے گا جِس نے قران سیکھا ، اور اُس آدمی کو جو (بظاہر) اللہ کی راہ میں قتل کیا گیا، اور ایک بہت مالدار  آدمی کو،

تو اللہ   قاری (قران  کا علم پانے والے) سے فرمائے گا """ کیا میں نے تمہیں اُس  کا علم نہیں دِیا تھا جو کچھ میں نے اپنے رسول پر نازل کیا تھا ؟"""،

وہ شخص کہے گا"""بے شک  (دِیا تھا ) اے میرے رب """،

تو اللہ   قاری (قران  کا علم پانے والے) سے فرمائے گا """ تو تُمہیں جو عِلم دِیا گیا ، تُم نے اُس کے ذریعے کیا کِیا ؟ """،

وہ شخص کہے گا """میں  دِن رات اُس کی تلاوت کرتا تھا ، اُس پر عمل کرتا تھا"""،

تو اللہ   قاری (قران  کا علم پانے والے) سے فرمائے گا """تو نے جھوٹ بولا """، اور فرشتے بھی کہیں گے""" تو نے جھوٹ بولا """،

تو اللہ   قاری (قران  کا علم پانے والے) سے فرمائے گا """ بلکہ تُم نے یہ چاہا تھا کہ تمہیں قاری (اور عالِم )کہا جائے  ، اور (لوگوں  کی طرف سے ) یہ کہہ دِیا   گیا """،

اور( پھر ) مالدار آدمی کو لایا جائے گا ،

تو اللہ اُس مالدار آدمی سے فرمائے  گا """کیا میں نے تمہیں (مال و دولت میں )اتنی وسعت نہیں دِی تھی کہ تُو کِسی بھی معاملے میں کِسی کا محتاج نہ رہے """،

مالدار آدمی کہے گا """ بے شک  (دِی تھی  ) اے میرے رب """،

تو اللہ اُس مالدار آدمی سے فرمائے  گا """تو جو کچھ میں نے تمہیں دِیا تھا تُم نے اُس سے کیا کِیا ؟  """،

مالدار آدمی کہے گا """ میں اُس کے ذریعے رشتہ داریاں نبھاتا تھا، اور صدقہ  کیا کرتا تھا  """،

تو اللہ   مالدار آدمی  سے فرمائے گا """تو نے جھوٹ بولا """، اور فرشتے بھی کہیں گے""" تو نے جھوٹ بولا """،

تو اللہ   مالدار آدمی  سے فرمائے گا """ بلکہ تُم نے یہ چاہا تھا کہ تمہیں مال خرچ کرنے والا رحم دِل کہا جائے    ، اور (لوگوں کی طرف سے ) یہ کہہ دِیا  """،

اور پھر اُس شخص کو لایا جائے گا، جو (بظاہر) اللہ کی راہ میں قتل کیا گیا ہو گا ،

تو اللہ   اُس  شخص   سے فرمائے گا """تُم کِس وجہ سے  قتل کیے گئے ؟   """،

مالدار وہ شخص  کہے گا """ مجھے آپ کی راہ میں جِہاد کرنے کا حُکم دِیا گیا ، تو میں نے قتال  کیا ، یہاں تک میں قتل کر دِیا گیا  """،

تو اللہ   اُس شخص   سے فرمائے گا """تو نے جھوٹ بولا """، اور فرشتے بھی کہیں گے""" تو نے جھوٹ بولا """،

تو اللہ   اُس شخص   سے فرمائے گا       """ بلکہ تُم نے یہ چاہا تھا کہ تمہیں  بہادر کہا جائے    ، اور (لوگوں  کی طرف سے  ) یہ کہہ دِیا   گیا """،

پِھر رسول اللہ صلی اللہ علیہ وعلی آلہ وسلم نے میرے (ابو ہریرہ) کے دونوں گھٹنوں پر(اپنے مُبارک ہاتھوں سے) ضرب لگائی اور اِرشاد فرمایا ((( اے ابو ھریرہ   اللہ کی مخلوق میں سے یہ وہ تین لوگ ہیں جِن سے  قیامت والے دِن جہنم کی آگ بھڑکائے گا )))،

العلاء بن ابی حکیم رحمہُ اللہ کا کہنا ہے کہ ، ایک آدمی نے ابو ہریرہ (رضی اللہ عنہ ُ ) سے روایت کرتے ہوئے یہ حدیث معاویہ (رضی اللہ عنہ ُ ) کو سنائی تو وہ رونے لگے ، اور اس قدر روئے کہ ہمیں اُن کی جان کا خطرہ لا حق ہو گیا، تو ہم نے کہا یہ آدمی  شر (والے اِرادے) کے  ساتھ آیا ہے، 

پھر (جب ) معاویہ (رضی اللہ عنہ ُ ) کو افاقہ ہوا تو انہوں نے اپنے چہرے پر ہاتھ پھیرا ، اور فرمایا """اللہ اور اُس کے رسول (صلی اللہ علیہ وعلی آلہ وسلم نے ) سچ فرمایا """۔

 سُنن الترمذی /حدیث /2557کتاب الزُھد/باب 48 مَا جَاءَ فِى الرِّيَاءِ وَالسُّمْعَةِ، إِمام البانی رحمہُ اللہ نے صحیح قرار دِیا، مختصر طور پر یہ حدیث شریف سُنن النسائی  /حدیث /3150کتاب الجِہاد/باب 22 مَنْ قَاتَلَ لِيُقَالَ فُلاَنٌ جَرِىءٌ، اِسے بھی إِمام البانی رحمہُ اللہ نے صحیح قرار دِیا ، صحیح مُسلم /حدیث  /5032کتاب الإمارۃ /باب 43 مَنَ قَاتَلَ لِلرِّيَاءِ وَالسُّمْعَةِ اسْتَحَقَّ النَّارَ،

اللہ عزّ و جلّ ہم سب کو ، اور ہمارے سب کو ریا کاری سے بچنے کی ہمت دے، اور دِین کے سارے کام خالصتاً اللہ کی رضا کے حصول کے لیے ہی کرنے والوں میں سے بنائے ۔ والسلام علیکم۔

۔۔۔۔۔۔۔۔۔۔۔۔۔۔۔۔۔۔۔۔۔۔

مضمون کا برقی نسخہ درج ذیل ربط سے نازل کیا جا سکتا ہے :

http://bit.ly/2cYRj8p

۔۔۔۔۔۔۔۔۔۔۔۔۔۔۔۔۔۔۔۔۔

::::::: جہنم میں داخل کر دینے والوں کو پہچانیے :::::::

::::::: جہنم میں داخل کر دینے والوں کو پہچانیے  :::::::

بِسمِ اللَّہ ،و السَّلامُ عَلیَ مَن اتَّبَع َالھُدیٰ و سَلکَ عَلیَ مَسلکِ النَّبیِّ الھُدیٰ مُحمدٍ صَلی اللہُ علیہِ وعَلیَ آلہِ وسلَّمَ ، و قَد خَابَ مَن یُشاقِقِ الرَّسُولَ بَعدَ أَن تَبیَّنَ لہُ الھُدیٰ ، و اتَّبَعَ ھَواہُ فقدوَقعَ فی ضَلالٍ بعیدٍ۔

میں  شیطان مردُود(یعنی اللہ کی رحمت سے دُھتکارے ہوئے)کے ڈالے ہوئے جُنون،اور اُس کے دِیے ہوئے تکبر، اور اُس کے (خیالات و افکار پر مبنی)اَشعار سے، سب کچھ سننے والے ، اور سب کچھ کا عِلم رکھنے والے اللہ کی پناہ طلب کرتا ہوں،

شروع اللہ کے نام سے ، اورسلامتی ہو اُس شخص  پر جس نے ہدایت کی پیروی کی ، اور ہدایت لانے والے نبی محمد صلی اللہ علیہ وعلی آلہ وسلم کی راہ پر چلا ، اور یقینا وہ شخص تباہ ہوا جس نے رسول کو الگ کیا ، بعد اِس کے کہ اُس کے لیے ہدایت واضح کر دی گئی اور(لیکن اُس شخص نے)اپنے نفس  کی خواہشات کی پیروی کی پس بہت دُور کی گمراہی میں جا پڑا ۔

السلام علیکم ورحمۃ اللہ و برکاتہ ،

کافی عرصہ پہلے ، اپنی ایک زیر تیاری کتاب """ مثالی شخصیات """ کے لیے رسول صلی اللہ صلی اللہ علیہ وعلی آلہ وسلم کے راز دان حذیفہ بن الیمان رضی اللہ عنہما کے بارے میں لکھتے ہوئے اُنکی روایت کی ہوئی ایک حدیث مُبارک لکھی تھی ،

آج ایک محترم بھائی سے بات کرتے ہوئے اس حدیث کو ذکر کرنے کی ضرورت پیش آئی ، اور اُس کے بعد یہ خیال آیا کہ اس حدیث مُبارک کو ایک الگ مضمون کی صُورت میں بھی ارسال کر دوں ،

مذکورہ بالا کتاب میں سے ہی یہاں نقل کر رہا ہوں:::

"""""" آیے یہاں ہم حذیفہ رضی اللہ عنہ ُ کی بیان فرمائی ہوئی ایک حدیث کا مطالعہ کرتے ہیں جو رسول اللہ صلی اللہ علیہ وعلی آلہ وسلم کی طرف سے اپنی اُمت کے لیے ایک بہترین سبق ہے اور اِسلام کے نام پر گمراہی پھیلانے والوں کی ، اور مُسلمانوں میں جماعت سازی کی حقیقت بیان کرنے والی ہے:::

((( كان الناس يَسْأَلُونَ رَسُولَ اللَّهِ صلی اللَّہُ علیہ وعلی آلہ وسلم عَن الْخَيْرِ وَكُنْتُ أَسْأَلُهُ عَن الشَّرِّ مَخَافَةَ أَنْ يُدْرِكَنِي ::: لوگ رسول اللہ صلی اللہ علیہ وعلی آلہ وسلم سے خیر کے بارے میں سوال کیا کرتے تھے اور میں اُن صلی اللہ علیہ و علی آلہ وسلم سے شر کے بارے میں پوچھا کرتا تھا اس خوف سے کہ کہیں شر مجھے قابو نہ کر لے ( اور میں اسے جانتا نہ ہوں) ۔ )))،

فقُلتُ يا رَسُولَ اللَّهِ إِنَّا كنا في جَاهِلِيَّةٍ وَشَرٍّ فَجَاءَنَا الله بهذا الْخَيْرِ فَهَلْ بَعْدَ هذا الْخَيْرِ مِن شَرٍّ ؟::: پس میں نے عرض کی اے اللہ کے رسول ہم جہالت اور شر کی حالت میں تھے تو اللہ ہمارے پاس یہ خیر ( یعنی اِسلام)لے کر آیا تو کیا اس خیر کے بعد شر میں سے کچھ ہے ؟

تو اِرشاد فرمایا(((نعم ::: جی ہاں)))،

قُلتُ وَهَلْ بَعْدَ ذلك الشَّرِّ من خَيْرٍ؟ :::میں نے عرض کی اور کیا اس شر کے بعد خیر میں کچھ ہے ؟
تو اِرشاد فرمایا(((نعم وَفِيهِ دَخَنٌ::: جی ہاں،  اور اُس میں دُھندلاہٹ ہے)))،

قُلتُ وما دَخَنُهُ ؟:::میں نے عرض کی اور اُس شر کی دُھندلاہٹ کیا ہے ؟

تو اِرشاد فرمایا((( قَوْمٌ يَهْدُونَ بِغَيْرِ هَدْيِي تَعْرِفُ منهم وَتُنْكِرُ ::: ( اُسکی دُھندلاہٹ ) ایسی قوم ہو گی جو میری دی ہوئی ہدایت کے عِلاوہ ہدایت اختیار کرے گی تُم اُنہیں پہچانو گے بھی اور اُن پر انکار بھی کرو گے )))،

قُلتُ فَهَلْ بَعْدَ ذلك الْخَيْرِ من شَرٍّ ؟:::میں نے عرض کی ، تو کیا اُس خیر کے بعد شر میں سے کچھ (اوربھی ) ہو گا ؟ ،

تو اِرشاد فرمایا((( نعم دُعَاةٌ على أَبْوَابِ جَهَنَّمَ من أَجَابَهُمْ إِلَيْهَا قَذَفُوهُ فيها::: جی ہاں،  [ اسکے بعد یہ شر ہو گا کہ ]ایسے لوگ ہوں گے جو جہنم کے دروازں پر کھڑے ہو کر (بظاہر اِسلام کی ) دعوت دیں گے جو کوئی اُن کی بات قبول کرے گا اُسے وہ جہنم میں گاڑ دیں گے)))،

قُلتُ يا رَسُولَ اللَّهِ صِفْهُمْ لنا:::میں نے عرض کی ، اے اللہ کے رسول ہمیں اُن کی نشانی بتایے ،

تو اِرشاد فرمایا((( هُمْ من جِلْدَتِنَا وَيَتَكَلَّمُونَ بِأَلْسِنَتِنَا :::  وہ ہماری ہی جِلد (یعنی اِسلام کے لبادے میں ) ہوں گے اور ہماری ہی زُبانوں میں بات کریں گے)))،

قُلتُ فما تَأْمُرُنِي إن أَدْرَكَنِي ذلك؟:::میں نے عرض کی ، اگر میں ایسی حالت پاؤں تو آپ مجھے اُس کے بارے میں کیا حُکم فرماتے ہیں ؟ ،

تو اِرشاد فرمایا(((  تَلْزَمُ جَمَاعَةَ الْمُسْلِمِينَ وَإِمَامَهُمْ:::  مُسلمانوں کی جماعت اور اُن کے اِمام کے ساتھ مضبوطی سے لگے رہو )))،

قُلتُ فإِن لم يَكُنْ لهم جَمَاعَةٌ ولا إِمَامٌ؟:::   میں نے عرض کی، اگر (اُس وقت) مُسلمانوں کی کوئی جماعت نہ ہو اور نہ ہی کوئی اِمام (تو میں کیا کروں)،

فَاعْتَزِلْ تِلْكَ الْفِرَقَ كُلَّهَا وَلَوْ أَنْ تَعَضَّ بِأَصْلِ شَجَرَةٍ حتى يُدْرِكَكَ الْمَوْتُ وَأَنْتَ عَلىَ ذَلِک :::  اُن تمام فرقوں سے بالکل الگ رہنا خواہ تُمہیں(تنہا زندہ رہنے کے لیے)درخت کی جڑ چوسنا پڑے(اِسی طرح اپنا وقت گذارلینا) یہاں تک موت تمہیں  آن لے اور تُم اِسی حال میں ہو)))، مُتفقٌ علیہ ، صحیح البُخاری /حدیث6673 /کتاب الفِتن /باب 11 ، صحیح مُسلم /حدیث1847/کتاب الأمارۃ /باب13،

اِس حدیث پاک میں حذیفہ رضی اللہ عنہ ُ کے شر سے بچے رہنے کے لالچ کے سبب اللہ تعالیٰ نے اپنے رسول صلی اللہ علیہ وعلی آلہ وسلم کی ز ُبان مُبارک سے ہمیں نہ صِرف ایک بہت بڑے شر کی خبر دے دی بلکہ اُس کی پہچان بھی بتا دی اور قیامت تک کے لیے اُس سے بچنے کا حُکم بھی فرما دیا اور صبر اور استقامت کی تعلیم بھی فرما دی ،

قارئین کرام ، کچھ دیر کے لیے اپنے اپنے اِرد گِرد مختلف نعروں کی گونج سے نکل کر ، اپنے اختیار کردہ ، یا آپ پر مسلط کردہ فلسفوں کی دُھند سے نکل کر، اپنے پسند کردہ ، اپنے اختیار کردہ حضرات کی طرف میلان سے جُدا ہو کر  اپنے محبوب محمد رسول اللہ صلی اللہ علیہ وعلی آلہ وسلم  کی اِس حدیث شریف پر غور فرمایے ،

اور وہ شر  مُسلمانوں میں جماعت بندی  اور  گروہ بندی  ہے ، کہ مُسلمانوں میں سے ہی  کئی لوگ  اِسلام کا  ہی نام لے کر مُسلمانوں کو ایک دُوسرے سے دُور کرنے کا سبب بنیں گے ، اُن میں سے کچھ ایسے ہوں گے جو اپنے پیروکاروں اور ارکان کی تعداد بڑ ھانے کے لیے  بظاہر تو سب کو ہی ساتھ ملانے کے لیے کوشاں رہیں گے ، لیکن  اندر ہی اندر صِرف خود کو حق پرسمجھتے ہوں گے ، اور اِس کوشش میں ہی تمام ہوتے رہیں گے کہ کِسی طرح اکثریت اُن کے ساتھ ہو جائے وہ لوگ حکومت حاصل کر لیں ، اور پھر جو اِسلام اُنہوں نے اپنا رکھا ہے اُسے نافذ کر لیں ،

یہ فتنہ پھیلانے والے لوگ  کافر نہیں ہوں گے ، بلکہ مُسلمانوں میں سے ہی ہوں گے ،

اور واقعتا   ایسا ہو رہا ہے ، اِسلام اور نفاذ ء اِسلام کے نام پر، مُسلمانوں کو کاٹنے پھاڑنے اور ایک دُوسرے سے دُور کرنے والے ایسے بہت سے لوگ آج ہمارے درمیان موجود ہیں ،  جو مُسلمانوں میں سے ہی  ہیں اور مُسلمانوں کی ز ُبانوں میں  ہی بات کرتے ہیں اور اِسلام کی ہی بات کرتے ہیں لیکن اپنی اپنی الگ الگ جماعتیں بنائے رکھتے ہیں ، اپنے اپنے پیر و مُرشد، اپنے اپنے حضرت  اور سکالرز، اپنے اپنے اِمام  اور لیڈر ، اور سب کے سب  اِسلام کا لِبادہ اوڑھے ہوئے ، اپنی جماعت، گروہ، حضرت ، اِمام، پیر و مُرشر ، مسلک، مذھب  اور فرقے وغیرہ کو ہی دُرُست کہتے ہوئے اُسی کی اِتباع کی دعوت دیتے ہیں، اور دُوسرے  مُسلمانوں کو گمراہ  سمجھتے ہیں ، بوقت ضرورت اِس کا اظہار بھی کرتے ہیں ، اپنے عِلاوہ ، اپنی جماعت کے ارکان کے عِلاوہ ، اپنے حضرت کے مریدین کے عِلاوہ  باقی کلمہ گو اُن کے ہاں بس تقصیر وار ، گناہ گار، اور فاسق ہی ہوتے ہیں ، اور اِس ترنگ میں اِس قدر بہک جاتے ہیں کہ بسا اوقات   طرح کے طرح کے فتوے صادر کر کے ایک دُوسرے  کے جان مال اور عِزت حلال کر لیتے ہیں ،

اور یہ سب کچھ بظاہر اِصلاح ، طاغوت کے خلاف جہاد، نفاذء دِین ، نفاذء شریعت  قِسم کے نعروں کے پردے میں کیا جاتا ہے ،   

رسول اللہ صلی اللہ علیہ وعلی آلہ وسلم کی بتائی ہوئی نشانیوں کے مُطابق ، حقیقتا یہ  لوگ جہنم کے دروازوں پر کھڑے ہوتے ہیں جو کوئی اِن کی دعوت قبول کرتا ہے یہ لوگ اُس شخص کو جہنم میں داخل کر دینے کا سبب بن جاتے ہیں ،

 اللہ تبارک و تعالیٰ ہمیں ایسے لوگوں کی پہچان عطا ءفرمائے، اور اُن کے شر سے ہمیں اور ہر ایک مُسلمان کو محفوظ رکھے """""""،

اِس حدیث شریف میں مُسلمانوں کی جماعت کے ساتھ جڑ کر رہنے کی تلقین کی گئی ہے، کچھ لوگ اِس حدیث کو ، اور اِس مفہوم کی دیگر احادیث شریفہ کو اپنی اپنی جماعت کے ساتھ ملانے کے لیے اِستعمال کرتے ہیں ،

جبکہ احادیث شریفہ میں جِس جماعت کا ذِکر کیا  گیا ہے ،  اُس جماعت کی خصوصیات بھی بتائی گئی ہیں ، جنہیں عموماً یہ جماعتوں میں تقسیم شُدہ اور تقسیم کرنے والے لوگ ظاہر نہیں کرتے،  کیونکہ اُن خصوصیات کو جاننے کے بعد شاید ہی کوئی صحت مند عقل والا اُن کی جماعت میں شامل ہو گا ، اور وہ اِ س لیے کہ وہ جان لے گا کہ اِن بھانت بھانت کی جماعتوں میں سے کوئی جماعت بھی وہ نہیں جِس کے ساتھ جُڑنے کی تلقین کی گئی ہے ،

اور نہ ہی اِن جماعتوں میں کِسی کا بھی مؤسس یا امیر وہ امیر ہے جِس کی موجودگی میں اُس کی اطاعت لازم ہے ،

اِس موضوع کو ضروری تفصیلات کے ساتھ درج ذیل مضمون میں نشر کیا گیا ، وللہ الحمد ،

::: فرقہ اور فرقہ واریت ، تعریف اور مفہوم ، فرقہ ناجیہ، نجات پانے والا فرقہ ، صِفات اور نشانیاں:::

http://bit.ly/13wjlyZ

کچھ تسلی و تدبر والا وقت نکال کر اِس مضمون کا مطالعہ بھی ضرور فرمایے  گا،

اللہ تعالیٰ  میری اِن گُذارشات کو ، اور مہیا کی گئی معلومات کو یہ سمجھنے کا سبب بنا  دے کہ جماعت بندی کس قدر نقصان اور شر والا کام ہے ، اور وہ کون سی جماعت ہے جس کے ساتھ رہنے کی تلقین فرمائی گئی ہے، و السلام علیکم ۔

تاریخ کتابت: 07/04/1431ہجری، بمُطابق، 23/03/2010عیسوئی۔

۔۔۔۔۔۔۔۔۔۔۔۔۔۔۔۔

مضمون کا برقی نسخہ درج ذیل ربط پر میسر ہے :::

http://bit.ly/2d6xaMn

۔۔۔۔۔۔۔۔۔۔۔۔۔۔۔۔۔